Лагерь туралы жалпы мәлімет

Жаңақорған ауданы бойынша білім бөлімінің «Тау самалы» лагері КМҚК. Жаңақорған ауданы Құттықожа елді мекенінің тау беткейінде орналасқан. «Тау самалы» тынығу лагері 1954жылдан бастап жұмыс жасайды. Лагерьдің 1989жылдары жатын ғимараттары мен қызметтік ғимараттары  салынып пайдалануға берілген. 

Лагерь жаз бойы 8ауысымда, әр ауысымы 10күннен, 75 баладан 600балаға дейін балалардың сауықтырылуын және жас өспірімдердің қабілеттерін арттыру мақсатында жұмыс жасайды.

Лагерь аумағы мен инфрақұрылымы

Жалпы  жер көлемі -17гектар. Лагерьде 4ғимарат жұмыс жасайды. 2 жатын ғимарат, 1 лагерь штабы ,1 асхана (80 орындық) ғимараты бар.

Жатын бөлмелер

Лагерьде балаларға арналған жайлы жатын бөлмелер бар. Әр бөлме таза төсек-орынмен жабдықталған. Балалардың жаз мезгілінде демалуы үшін санитарлық-эпидемиологиялық талаптарға сай жағдай жасалған. 

Асхана

Лагердің асханасы типтік жоба бойынша 80орындық , 5 мезгіл ыстық   тамақпен қамтамасыз етеді. 

.

Спорт және белсенді демалыс

Лагерьде балалар үшін әртүрлі спорттық жабдықтар орнатылған. Жасанды жасыл шөппен қапталған футбол алаңы,іс-шара өтетін  алаңы, бассейн, монша бар. Балалар жаздың ыстық күндерінде футбол ойнауға, спорт алаңдарында жаттығу жасауға мүмкіндік алады.

Медициналық қызмет

Медпункт балаларға сапалы қызмет жасап тұр. Онда изолятор болмесі, процедуралық кабинетке кажетті құрал-жабдықтармен, тіс емдеу бөлмесі және медбікелер толық қамтамасыз етілген. Балалар дәрігерлермен толық қамтамасыз етіліп, тіс дәрігерлермен толық қамтамасыз етілген.